Námskeið

Ninna Stefánsdóttir býr til macramé vörur undir vörumerkinu Marr. Áhugi hennar á macramé hnýtingum kviknaði fyrir u.þ.b. tveimur árum, þá nýtti hún hvern lausan tíma til að hnýta og prófa sig áfram með aðferðina. Í dag fást vegghengi og blómahengi frá Marr í Hrím, Litlu Hönnunar Búðinni, Eyrinni og á vefsíðunni marr.is, þar að auki hefur Ninna verið að taka að sér kennslu í hnýtingu.

Ninna talar um að það sem heilli sig við macramé sé hversu róandi aðferðin sé fyrir hugann, auk þess sem möguleikarnir virðast ótakmarkaðir. Hægt er að nýta aðferðina við að búa til vegghengi, blómahengi, hillur, hengistóla og ljósakrónur svo fátt eitt sé nefnt.

Á námskeiðinu verður farið í undirstöður í macramé hnýtingum, kynnast mismunandi efnum og ná tökum á ólíkum hnútum. Þátttakendur munu að minnsta kosti hnýta sér bæði blómahengi og vegghengi.