Rebekka Sif Stefánsdóttir

Söngkennari/Ritlistarkennari

Rebekka Sif Stefánsdóttir er söngkona, lagahöfundur og söngkennari en einnig verkefnastjóri Klifsins. Hún hefur kennt börnum hjá Klifinu söng og lagasmíðar frá haustinu 2013 með góðum árangri. Síðustu sumur hefur hún verið verkefnastjóri Skapandi sumarnámskeiða Klifsins sem eru vinsæl listaleikjanámskeið meðal barna í Garðabæ yfir sumartímann. Rebekka er með kennaragráðu frá Complete Vocal Institute í Kaupmannahöfn. Áður hefur hún lokið burtfaraprófi í bæði klassískum söng frá Tónlistarskólanum í Garðabæ og jazz- og rokksöng frá Tónlistarskóla FÍH. Haustið 2017 gaf hún út sína fyrstu plötu Wondering sem inniheldur 11 frumsamin lög.

Rebekka Sif er einnig rithöfundur og bókmenntafræðingur en hún lauk B.A. prófi í almennri bókmenntafræði árið 2017 og M.A. gráðu í ritlist árið 2020. Hún hefur gefið út skáldsögurnar Flot (2022) og Trúnaður (2022), barnabókina Gling Gló (2022) ásamt ljóðabókinni Jarðvegur (2020). Einnig á hún smásögur í smásafnasafninu Möndulhalla (2020). Rebekka er aðstoðarritstjóri menningarmiðilsins Lestrarklefans, www.lestrarklefinn.is og stjórnaði bókmenntaþættinum Lestrarklefinn á Storytel haustið 2022.

Námskeið sem Rebekka kennir