Þetta hafa verið áhugaverðir tímar undan farna tvo mánuði. Við í Klifinu settum alla kennslu á pásu og hefjum í dag kennslu á ný- og fögnum því svo sannarlega!

Við náum að klára öll námskeiðin okkar á vorönn áður en sumarið kemur fyrir börnin. Aftur á móti erum við að fara af stað með þrjú ný námskeið sem teygja sig aðeins inn í sumarið, sem er æðislegt.

Sumarnámskeiðin okkar verða með breyttu sniði þetta sumarið en við færum okkur frá okkar vinsæla námskeiði Skapandi sumarfjöri og prófum nýja nálgun. En í sumar verða stök námskeið í ólíkum skapandi greinum fyrir börn á aldrinum 6-12 ára.

Við vonum að þau fái góðar viðtökur og hlökkum svo sannarlega til að hitta sem flesta káta krakka í sumar.

Námskeiðin eru komin inn á vefinn okkar og hægt er að skrá sig.

Við höfum á tilfinningunni að þetta verði líflegt og skemmtilegt sumar hjá okkur öllum!