Það hefur verið líflegt um að lítast í Klifinu í haust.  Börn jafnt sem fullorðnir koma vikulega á ýmis námskeið s.s.  í hljóðfæraleik, myndlist, tölvugrafík, tálgun, Zumba, badminton, leiklist o.fl.  Á hverjum miðvikudegi mætir síðan nýr hópur af hressum konum á námskeiðið nýju fötin keisarans, þar sem kaffipokar fá nýtt hlutverk.  Sumar konur koma langt að til að fara á námskeiðið en flestar eru þó af höfðuborgarsvæðinu.  Námskeiðið hefur aldeilis slegið í gegn og verður gaman að fylgjast með afrakstrinum hjá þeim fjölmörgu konum sem hafa lagt leið sína í Klifið í haust. 

Nokkur ný námskeið hefjast í vikunni og í næstu viku.   Námskeið í olíumálun hefst laugardaginn 27. október,  íkonagerð og leikfangasmiðja hefjast þann 30. október. 7. nóvember hefst síðan kennaranámskeiðið skapandi skrif og læsi.