Vorið hefur heldur betur farið vel af stað. Námskeiðin fóru seinna af stað en vanalega sökum Covid og þess að haustönnin náði að teygja sig inn í nýtt ár.

En skráning var ótrúlega góð og við glöð að sjá að þið eruð spennt að koma á skapandi námskeið hjá okkur og börnin ykkar.

Við erum í óðaönn að undirbúa sumarið en það verður skemmtileg og skapandi og sett upp líkt og við gerðum í fyrra. Ólík skapandi námskeið kennd viku í senn fyrir eða eftir hádegi, en við munum bjóða upp á námskeið í söng, leiklist, jóga og myndlist þetta sumarið og eru námskeiðin annars vegar fyrir börn á aldrinum 6-9 ára og hins vegar 9-12 ára. Við hlökkum mikið til sumarsins og vonum að við sjáum sem flest börn hjá okkur þetta sumarið.