Þessa dagana tökum við á móti nýjum þátttakendum á fjölmörg vornámskeið sem hefjast eftir páska. Síðastliðinn laugardag mættu ungir dansarar í ballet og breakdans og í dag hefst hlutverkaspilið fyrir unglinga (2 sæti laus).  Á morgun, þriðjudag hefjast hetjuspilið fyrir 10 – 12 ára (3 sæti laus) og spunadansnámskeið fyrir 6 -12 ára. Á miðvikudag mætir fyrri hópurinn á kassabílasmiðjuna, en þar koma börn og fullorðnir saman og smíða sinn eigin kassabíl.  Við bættum við öðru námskeiði í kassabílasmiðjunni vegna mikillar aðsóknar og hefst aukanámskeiðið fimmtudaginn 8. maí. Nýtt krakka Zumbanámskeið hefst á föstudaginn og eru örfá pláss laus á það námskeið.

Í kvöld er leiklistarsýning hjá leiklistardeild Klifsins. Leiksýningin fer fram í Tjarnarbíói í Reykjavík. Við hlökkum til að fagna árangri ungu leikaranna með ykkur öllum. Sjáumst hress í Tjarnarbíói og njótum leikgleðinnar og snilldarleikrita sem krakkarnir hafa búið til.