Síðustu daga hafa námskeiðin í Klifinu hafist hvert af öðru. Tilhlökkun, væntingar og gleði skín úr andlitum þátttakenda og ljóst að önnin fer vel af stað.  Margir koma á hverri önn og í vor tökum við á móti mörgum nýjum andlitum. Við bjóðum nýja nemendur sérstaklega velkomna í Klifið.  

Búið er að finna tíma fyrir alla tónlistarnemendurna, bæta við aukanámskeiðum í leiklist og myndlist og færa dansnemendur til og frá þangað til allt smellpassar. Síðar í vor bætast við mörg spennandi námskeið eins og vísindanámskeið, myndlist og hönnun, kassabílasmiðja, hlutverkaleikir og víkinganámskeið auk hins sívinsæla fjársjóðsleitarnámskeiðs fyrir drengi.