Teikning 13-16 ára
Teikning 13-16 ára
Í þessu námskeiði verður lögð áhersla á grunn í teikningu og hönnun persóna í gegnum form, liti og skyggingar. Við skoðum módelteikningu, hreyfingu og uppsetningu, og skoðum hvernig búa má til áhugaverðar persónur sem eiga heima í myndasögum, teiknimyndum eða tölvuleikjum, svo dæmi séu nefnd. Markmið námskeiðsins er að nemendur læri að þróa sinn eigin teiknistíl, öðlist skilning á grunn í persónusköpun, og læri að búa til persónur með baksögu sem passa inn í þeirra eigin sögur. Nemendur læra með því að skoða vinsælar persónur sem margir þekkja og útfæra sína eigin útgáfur. Við vinnum með blýanta, penna og tússliti og förum yfir helstu grunnatriði í notkun þeirra, litablöndun og litafræði. Nemendur fá að prófa sig áfram með margskonar spennandi efni og verkfæri sem eru á staðnum og vinna bæði stök verk og stutta myndasögu.
Við hvetjum foreldra og forráðamenn til að ná í Abler appið en öll samskipti og upplýsingar varðandi námskeiðið munu fara þar fram.
Vinsamlega kynnið ykkur skilmála Klifsins
Um kennara
