Námskeiðið er fyrir alla krakka sem elska að teikna og skapa. Á námskeiðinu læra nemendur undirstöðu teikningar og æfa sig í að teikna allt sem við sjáum í umhverfinu. Við munum sækja innblástur víða, bæði úti í náttúrunni og inni í kennslustofu. Við munum teikna fólk, dýr, byggingar og margt fleira. Einnig munu nemendur fá að prófa sig áfram með margskonar spennandi efni og verkfæri sem eru á staðnum. Í lok námskeiðsins taka krakkarnir heim sína eigin teiknidagbók sem þau hafa unnið myndverkin sín í.