Námskeiðið er fyrir alla krakka sem elska að teikna og búa til sínar eigin sögur. Á námskeiðinu læra nemendur um karaktersköpun, myndbyggingu, myndræna frásögn og hvernig það er nýtt til að búa til sína eigin myndasögu. Farið verður á kaf í sköpun teiknimyndasagna og hvernig hannaðar eru fjölbreyttar persónur og sögurnar sem þær eiga heima í. Nemendur búa til sína eigin myndskreytta teiknimyndasögu og taka hana heim ásamt öllum listaverkunum sem verða til í myndvinnsluferlinu. Nemendur munu fá að prófa sig áfram með margskonar spennandi efni og verkfæri sem eru á staðnum.