Öll leiklistarnámskeið Leynileikhússins byggjast fyrst og fremst upp á LEIKGLEÐI og frumsköpun. Með leikgleðina að leiðarljósi fara nemendur í grunnatriði í leiklist með hjálp leikja og æfinga. Lögð er áhersla á einbeitingu, að gefa skýr skilaboð, hlustun, samvinnu, uppbyggingu stuttra leikrita og persónusköpun.
Leiklistarnámskeið þar sem áhersla er lögð á skapandi hugsun, sjálfstyrkingu, sviðsframkomu og beitingu raddarinnar. Farið verður í skemmtilega leiki og spuna sem byggir upp sjálfstraust og leikgleði.
Mikilvægt er að klæða börn eftir veðri, þar sem við verðum bæði inni og úti. Einnig að hafa meðferðis léttan bita, nesti.
Í vikunni hefjast myndlistar- og leiklistarnámskeið haustannar hjá okkur í Klifinu skapandi fræðslusetri. Námskeiðin fara fram í Flataskóla og erum við í óðaönn að koma okkur fyrir í norðurálmu skólans. Við hlökkum mikið til að taka á móti nýjum hópum af skapandi börnum og unglingum næstu dagana. Uppselt er á japanska poppmenningu en nokkur sæti […]
Skráning er hafin á sumarnámskeið Klifsins!! · Hreyfimyndagerð – 9-12 ára· Skapaðu með Procreate – 9-12 ára· Myndasögugerð og persónusköpun – 6-12 ára· Leiklist og framkoma – 9-12 ára· Leikgleði og fjör – 6-9 ára · Skapandi sumarsöngur – 6-12 ára · Myndlist, teikning og málun – 6-9 ára · Myndlist og náttúran – 5-7 […]
Námskeiðið er fyrir krakka sem elska að teikna og skapa. Á námskeiðinu læra nemendur helstu undirstöðuatriði í teikningu og fá tækifæri til að æfa sig í að teikna umhverfi sitt og prófa fjölbreytt efni og verkfæri til listköpunar. Við munum sækja innblástur víða, bæði úti í náttúrunni og inni í kennslustofu, m.a. fólk, dýr, og byggingar.
Þetta námskeið er fyrir káta krakka með fjörugt ímyndunarafl. Við munum fara yfir öll helstu grunnatriði í myndasögugerð. Þau munu byrja á að skapa persónu sem þau vinna svo áfram með. Þau munu skapa umgjörð fyrir persónuna og semja sögu um hana.
Þetta námskeið er ætlað krökkum sem vilja prófa sig áfram í teikningu með ipad. Við munum fara vel yfir forritið procreate sem er fremsta forritið í rafrænni list í dag.
Námskeiðið er fyrir alla krakka sem langar að læra um hvernig teiknimyndir og stuttmyndir verða til. Á námskeiðinu læra nemendur um grunnatriði fjölbreyttra aðferða sem notaðar eru við hreyfimyndagerð.
Í þessu námskeiði verður lögð áhersla á helstu grunnatriði í andlitsteikningu og persónusköpun. Markmið námskeiðsins er að nemendur læri að þróa sinn eigin stíl, öðlist skilning á byggingu andlits, andlitshreyfingum og hvernig má vinna með það.